ಸಾರ್ವಜನಿಕ ಕೀಲಿ ಮೂಲಸೌಕರ್ಯ (Public Key Infrastructure, PKI) ಎನ್ನುವುದು ಯಂತ್ರಾಂಶ (Hardware), ಸಾಫ್ಟ್‌ವೇರ್ (Software), ನೀತಿಗಳು (Policies), ಕಾರ್ಯವಿಧಾನಗಳು (Procedures), ವ್ಯಕ್ತಿಗಳು (People) ಮತ್ತು ಪಾತ್ರಗಳು (Roles) ಗಳ ಸಂಯೋಜಿತ ವ್ಯವಸ್ಥೆಯಾಗಿದೆ.

ಈ ವ್ಯವಸ್ಥೆಯು ಡಿಜಿಟಲ್ ಪ್ರಮಾಣಪತ್ರಗಳನ್ನು ರಚಿಸಲು, ನಿರ್ವಹಿಸಲು, ವಿತರಿಸಲು, ಬಳಸಲು, ಸಂಗ್ರಹಿಸಲು, ಪರಿಶೀಲಿಸಲು, ಹಿಂತೆಗೆದುಕೊಳ್ಳಲು ಮತ್ತು ಪ್ರಮಾಣಪತ್ರ ಜೀವನಚಕ್ರವನ್ನು (Certificate Lifecycle) ನಿರ್ವಹಿಸಲು ಬಳಸುತ್ತದೆ.

ಇದು ಸಂವಹನ ನಡೆಸುವ ಪಕ್ಷಗಳ ಗುರುತನ್ನು ಪರಿಶೀಲಿಸುವುದರ ಜೊತೆಗೆ, ಕಳುಹಿಸಲಾದ ಮಾಹಿತಿಯ ನೈಜತ್ವ ಮತ್ತು integrity ಅನ್ನು ಪರಿಶೀಲಿಸುವ ಸುರಕ್ಷಿತ ಆಧಾರವನ್ನು ಒದಗಿಸುತ್ತದೆ.

PKI ಯ ಮುಖ್ಯ ಉದ್ದೇಶವೆಂದರೆ ಇಂಟರ್ನೆಟ್ ವಹಿವಾಟು, ಇಂಟರ್ನೆಟ್ ಬ್ಯಾಂಕಿಂಗ್ ಮತ್ತು ಇಮೇಲ್ ಸೇರಿದಂತೆ ಎಲೆಕ್ಟ್ರಾನಿಕ್ ಸಂವಹನಗಳ ಸುರಕ್ಷತೆಯನ್ನು ಸುಗಮಗೊಳಿಸುವುದು.

ಸರಳವಾದ ಪಾಸ್ವರ್ಡ್ ಆಧಾರಿತ ದೃಢೀಕರಣವು ಸಾಕಾಗದ ಸಂದರ್ಭಗಳಲ್ಲಿ, ಕಟ್ಟುನಿಟ್ಟಾದ ದೃಢೀಕರಣದ ಅಗತ್ಯವಿರುವ ಕಾರ್ಯಾಚರಣೆಗಳಲ್ಲಿ ಭಾಗವಹಿಸುವ ಪಕ್ಷಗಳ ಗುರುತನ್ನೂ, ಸಂವಹನವಾಗುವ ಮಾಹಿತಿಯ ನೈಜತ್ವವನ್ನೂ ಪರಿಶೀಲಿಸಲು ಈ ವ್ಯವಸ್ಥೆಯನ್ನು ಬಳಸಲಾಗುತ್ತದೆ.

ಸಾರ್ವಜನಿಕ ಕೀಲಿ ಮೂಲಸೌಕರ್ಯ ಡಿಜಿಟಲ್ ಪ್ರಮಾಣಪತ್ರಗಳನ್ನು ರಚಿಸುತ್ತದೆ. ಈ ಪ್ರಮಾಣಪತ್ರಗಳು ನಿರ್ದಿಷ್ಟ ಸಾರ್ವಜನಿಕ ಕೀಲಿಯನ್ನು ನಿರ್ದಿಷ್ಟ ವ್ಯಕ್ತಿ ಅಥವಾ ಸಂಸ್ಥೆಗೆ ಸಂಬಂಧಿಸುವಂತೆ ಮಾಡುತ್ತದೆ. ಈ ಪ್ರಮಾಣಪತ್ರಗಳನ್ನು ಕೇಂದ್ರಿತ ಕಛೇರಿಯಲ್ಲಿ ಸುರಕ್ಷಿತವಾಗಿ ಸಂಗ್ರಹಿಸಿ, ನಿರ್ದಿಷ್ಟ ವ್ಯಕ್ತಿ ಅಥವಾ ಸಂಸ್ಥೆಗೆ ಸಂಬಂಧಪಟ್ಟದ್ದು ಎಂಬುದನ್ನು ಪರಿಶೀಲಿಸಲು ಬಳಸಲಾಗುತ್ತದೆ.