ಗೂಢಲಿಪಿಶಾಸ್ತ್ರವು ಸೈಬರ್‌ಜಾಗದಲ್ಲಿ ದತ್ತಾಂಶವನ್ನು ಗೂಢಲಿಪೀಕೃತ ರೂಪದಲ್ಲಿ ಕಳುಹಿಸುವ, ಹಂಚುವ ಮತ್ತು ಉಳಿಸುವ ವಿಜ್ಞಾನವಾಗಿದೆ. ಅಗತ್ಯವಿದ್ದಾಗ ಅದನ್ನು ಮೂಲ ರೂಪಕ್ಕೆ ಮರಳಿ ಪಡೆಯಬಹುದು. ಗೂಢಲಿಪಿಶಾಸ್ತ್ರವು ಗಣಿತ, ಗಣಕ ವಿಜ್ಞಾನ ಮತ್ತು ಎಂಜಿನಿಯರಿಂಗ್‌ನ ತತ್ವಗಳನ್ನು ಒಟ್ಟಿಗೆ ಬಳಸುತ್ತದೆ. ದತ್ತಾಂಶವನ್ನು ಹಂಚುವ ಅಥವಾ ಉಳಿಸುವ ಮೊದಲು, ಗೂಢಲಿಪೀಕರಣ ಕೀಲಿಯ ಸಹಾಯದಿಂದ ಗೂಢಲಿಪೀಕರಣ ಅಲ್ಗಾರಿದಮ್ ಬಳಸಿ ಅದನ್ನು ಓದಲು ಸಾಧ್ಯವಾಗದ ರೂಪಕ್ಕೆ ಪರಿವರ್ತಿಸಲಾಗುತ್ತದೆ. ಈ ಪ್ರಕ್ರಿಯೆಯನ್ನು ಗೂಢಲಿಪೀಕರಣ ಎಂದು ಕರೆಯಲಾಗುತ್ತದೆ ಮತ್ತು ಅದರ ಫಲಿತಾಂಶವನ್ನು ಗೂಢಲಿಪಿ ಪಠ್ಯ (Ciphertext) ಎಂದು ಕರೆಯಲಾಗುತ್ತದೆ. ದತ್ತಾಂಶವನ್ನು ಹಂಚುವಾಗ ಅಥವಾ ಉಳಿಸುವಾಗ ಅದು ಗೂಢಲಿಪಿ ಪಠ್ಯ ರೂಪದಲ್ಲಿರುತ್ತದೆ. ಅಗತ್ಯವಿದ್ದಾಗ, ಗೂಢಲಿಪಿ ಬಿಡಿಸುವ ಕೀಲಿಯ ಸಹಾಯದಿಂದ ಗೂಢಲಿಪಿ ಪಠ್ಯವನ್ನು ಮೂಲ ಮಾಹಿತಿಗೆ ಪರಿವರ್ತಿಸಲಾಗುತ್ತದೆ. ಈ ಪ್ರಕ್ರಿಯೆಯನ್ನು ಗೂಢಲಿಪಿ ಬಿಡಿಸುವಿಕೆ ಎಂದು ಕರೆಯಲಾಗುತ್ತದೆ.